在今時今日的香港，正統又好味的廣東粉麵已經買少見少，不過在上水舊區仍可以吃得到，彌足珍貴。
餐廳地方不算小，但幫襯的人實在太多，所以坐得稍為逼夾，不過職員非常有禮貌，特登幫粗眉仔找了個地方放背囊。
餐廳主打尋常的豬手牛腩雲吞粉麵，用料靚而且份量足，非常抵食。牛腩又腍又滑，非常入味，同一般餐廳的吃到的完全是兩個世界。
豬手爽口彈牙，食落毫無油膩感覺，雲吞不算大粒，但做餡料的蝦肉結實爽脆，非常滋味。
不得不提他們的麵底，爽口有冇鹼水味，配上餐廳自家製的辣椒油，好味到呢……
芥蘭脆卜卜，爽口鮮甜，就算不落蠔油都已經好滋味。對粗眉仔來講，上水確是一個遙遠的地方，但為了食一碗靚麵，粗眉仔會再來的，一定。
珍苑麵家
地址：香港上水馬會道148號
電話：+852 2672 7832